Ekonomia për 4-19 për qind të grekëve është problemi më i rëndësishëm për vendin, para epidemisë; 84 për qind e qytetarëve janë kundër zgjedhjeve të parakohshme parlamentare; Qeveria merr vlerësim negativ për çështjen maqedonase; 64 për qind mendojnë se vendi shkon në drejtim të duhur; Demokracia e Re qeveritare është në epërsi për 20 për qind para SYRIZËS tregojnë rezultatet e hulumtimit të mendimit publik të zbatuar nga agjencia “Metron Analysi” për televizionin grek “Mega”.
Për dallim nga anketë e bërë muajin e kaluar, kur epidemia ishte problemi më i rëndësishëm për qytetarët, tani për 41 për qind e të anketuarve është ekonomia, ndërsa pastaj për dy nga dhjetë të anketuarit është Kovid-19. Vijon papunësia (14 për qind) dhe çështja migruese/e refugjatëve (shtatë për qind).
Kundër zgjedhjeve të parakohshme parlamentare janë 84 për qind e të anketuarve, ndërsa 64 për qind mendojnë se vendi shkon në rrugën e duhur.
Mbi gjashtë nga dhjetë të anketuarit (63 për qind) e vlerësojnë pozitivisht punën e Qeverisë, ndërsa 69 për qind kanë qëndrim negativ për pozitën e SYRIZËS si parti kryesore opozitare.
Në lidhje me përshtypjet e të anketuarve për punën e Qeverisë, pozitiv është vlerësimi për menaxhimin me koronavirusin e ri, transformimin digjital të vendit, krimin, marrëdhëniet greko-turke, kulturën, mjedisin jetësor dhe politikën tatimore.
Më pak përshtypje pozitive për punën e Qeverisë, të anketuarit kanë për çështjen maqedonase (34 për qind pozitiv, 46 për qind negativ), ndërsa në grupin e njëjtë, me vlerësim negativ janë edhe marrëdhëniet e punës, çështja migruese dhe ekonomia.
Në pyetjen: ” Nëse të dielën mbahen zgjedhje, për kë do të votoni?”, Demokracia e Re merr 40,3 për qind, ndërsa SYRIZA 20,9 për qind. Pastaj vijojnë Lëvizja e ndryshimit, Partia komuniste, Vendimi grek dhe MEPA25.
Kryeministri aktual grek Kirjakos Micotakis, është më i popullarizuari mes liderëve të partive politike me 67 për qind mendime pozitive nga qytetarët.
Kryetarët tjerë të partive marrin më shumë pikë negative, se sa pozitive.
Hulumtimi i mendit publik i agjencisë “Metron Analysi” për televizionin grek “Mega” është zbatuar nga data 22-27 maj 2020, përmes intervistave në telefon në të cilat janë përfshirë 1.201 qytetarë me të drejtë vote./MIA