50 miliardë denarë është buxheti për 1,820,000 personat e siguruar në Fondin e sigurimit shëndetësor. Krahasuar me vitin e kaluar, është për 7 miliardë më i lartë. Por sipas drejtorit të Fondit Sasho Klekovski, vetëm gjysma e tyre kontribuojnë në fond nga pagat, të tjerët në baza të ndryshme, si pensionistët dhe rastet sociale.
“Unë mendoj se më së tepërmi bëhet fjalë për shtetasit tanë që jetojnë në diasporë, por nuk janë çlajmëruar nga Maqedonia dhe vazhdojnë të kenë sigurim shëndetësor. Po ashtu mendoj se pjesa më e madhe e atyre që nuk janë të siguruar dhe gjenerojnë të ardhura të pavarura nga paga dhe nuk e përjashtoj mundësinë se ka edhe të siguruar të rrejshëm”, tha Sasho Klekovski, Drejtor i Fondit Shëndetësor.
Këto u thanë në konferencën për media, ku dy drejtorët e Fondit para gazetarëve zbuluan se buxheti më i madh u shpenzua për pacientët e onkologjisë dhe hematologjisë. Drejtori Klekovski shtoi më tej se vitin e kaluar është rritur edhe numri recetave për një milion më shumë. Sivjet ky numër është ende në rritje.
“Qëllimi është që për të gjitha këto terapi të shtrenjta, të terapive biologjike deri në fund të vitit të mos ketë listë të pritjes, përkatësisht të gjithë pacientët, ti marrin barërat e domosdoshëm, sepse këto ilaçe të shtrenjta nënkuptojnë shumë ngarkesë për buxhetin e Fondit të Sigurimit Shëndetësor”, u shpreh Sasho Klekovski, Drejtor i Fondit Shëndetësor.
Drejtorët thanë se 6 milionë denarë janë ndarë edhe për pajisjet radiologjike, përkatësisht për rezonancat magnetike, të cilat janë një nga pika e dobët e sistemit shëndetësor. Kjo do të thotë se shumë ekzaminime mjekësore nuk mund të realizohen nga pritjet e gjata për një rezonancë magnetike.
Pohuan se mesatarja e rritjes së pagave në sektorin e shëndetësisë 17%, si motivim për mantelbardhët.