Gjykimi për “Organizatorët e 27 prillit”, Ristovski tha se Ninxha po gënjen, ndërsa Jankieski nuk e njeh Ninxhën

TË FUNDIT

Ish- ministri i Arsimit Spiro Ristovski, i akuzuar si një nga organizatorët e ngjarjeve të dhunshme në Kuvend më 27 prill, në gjykatë tha se dëshmia e Aleksandar Vasilevskit Ninxha që ka të bëjë me të, është e rrejshme.

“Bëhet fjalë për dëshmi të rrejshme nga personi Aleksandar Vasilevski Ninxha. Në ditën e ngjarjes nuk kam komunikuar, e as nuk e kam takuar në hapësirat e VMRO-DPMNE-së, siç pohon ai. Në atë periudhë nuk kisha asnjë funksion partiak, nuk kisha asnjë kontakt me strukturat e partisë”, deklaroi Ristovski.

Në protestat “Për Maqedoninë e përbashkët”, ai theksoi se ai personalisht nuk ka marrë pjesë. Tha se VMRO-DPMNE-ja, si parti nuk i ka mbështetur protestat, por shtoi se disa individë kanë marrë pjesë në to. Nga organizatorët e ka njohur vetëm Bogdan Ilievskin. Nga ana tjetër, ish- ministri për transport dhe lidhje, Mile Janakieski, po ashtu i akuzuar, në gjykatë tha se nuk ka faj për ndodhitë në Kuvend dhe se nuk e ka njohur Aleksandar Vasilevskin-Ninxha.

“Personin Aleksandar Vasilevski-Ninxha, me plot përgjegjësi pohoj se për herë të parë e kam parë në këtë sallë kur dëshmonte. Kjo ishte hera e parë të jem në hapësirë të njëjtë me këtë person. Nga unë ka 45 mijë biseda të përgjuara në mënyrë të paligjshme. Unë jam person i cili është përgjuar ilegalisht në këtë shtet. Listat janë të aksesueshme në Prokurori dhe me këtë person asnjëherë nuk kam biseduar apo shkëmbyer mesazhe”, deklaroi Jankieski.

Pretendimet e tilla, siç thotë, është i gatshëm t’i dëshmojë edhe në poligraf para të gjithë opinionit publik.
Rastin e udhëheq gjykatësi Ilija Tërpkov, kurse përfaqësuese e aktakuzës në seancën e sotme ishte prokurorja Katerina Kollarovska. Të akuzuar në këtë lëndë janë: ish-kryeparlamentari, Trajko Velanovski, ish-ministri i Transportit dhe Lidhjeve, Mile Janakieski, ish-ministri i Arsimit, Spiro Ristovski, si dhe ish-drejtori i DSK-së, Vlladimir Atanasovski.
Ata ngarkohen për veprën penale “cenim terrorist i rendit kushtetues dhe sigurisë”

TË NGJAJSHME