Gjiganti “East Gate” pushton tregun vjeshtën e ardhshme, nënshkruhet marrëveshja më e madhe me bankat

Ndër marrëveshjet më të mëdha në vend mes sektorit privat dhe bankave është nënshkruar sot mes udhëheqësve të Qendrës Tregtare “Skopje East Gate” dhe kompleksit të bankave. Bëhet fjalë për marrëveshje, me të cilën bankat do të huazojnë 75 milionë euro me të cilin do të përmbyllet edhe kontrukcioni financiar i fazës së parë të “East Gate” e cila është në ndërtim e sipër.

-Sot, me sindikatën e bankave po e nëshkruajmë marrëveshjen më të madhe për huamarrje nga ana e bankave kur bëhet fjalë për investim në sektorin privat. Me këtë marrëveshje, përmbyllet kontrukcioni financiar të ndërtimit të qendrës tregtare me të cilin përmbyllet edhe faza e parë e këtij projekti,- pohoi Igor Davkov, drejtor i “East Gate”.

Marrëveshja po nënshkruhet në periudhë kur e tërë bota po përballet me virusin e Kovid-19, ndërkaq ndihmën më të madhe prej 53 për qind e ka ofruar Banka NLB.

-Me këtë marrëveshje, NLB Banka, Banka Komerciale, Halk Bank dhe Raifesen Albania tregojmë se mund të mbështesim projekte zhvillimore në një periudhë të krizës së paparë të shkaktuar nga Kovid-19. Pjesëmarrjen më të madhe e ka NLB banka me vlerë prej 53 për qind nga përkrahja financiare në tërësi,- tha Antonio Argir nga NLB Banka.

Pronari i East Gate tha se me marrëveshjen që u nënshkrua, mbulohet tërë kontrukcioni financiar për ndërtim të qendrës tregtare, ndërkaq shtoi se kjo qendër turistike do të hapet në vjeshtën e vitit të ardhshëm.

Drejtori i “East Gate” Davkov njoftoi gjithashtu se 40 për qind e hapësirës së qendrës tregtare do ta mbulojnë brendet më të mëdha dhe që nuk gjenden në vendin tonë.

-Planifikohet të hapet në sezonin vjeshtë – dimër dhe kjo standard do të jetë prej fillimit të vjeshtës dhe nga 15 tetori,- deklaroi Igor Davkov, drejtor i “East Gate”.

Ngjarja u zhvillua nën kushte kundër Kovid-19 dhe për këtë as protokolli i nënshkrimit të marrëveshjes u përmbyll me duartrokitje dhe jo me shtrëngim duarsh siç ndodh rëndom.

“Skopje East Gate” është projekt i Grupit Balfin, me pronar të biznesmenit të famshëm Samir Mane dhe Arsim Papraniku. Projekti ka filluar të ndërtohet që nga qershori i vitit 2018.