Gjermania i dha “dritë të gjelbër” Bundesligës

Autoritetet në Gjermani zyrtarisht e miratuan ripërtëritjen e sezonit në kampionatin lokal. Kjo mund të ndodhë në gjysmën e dytë të majit, ndërsa liga gjermane e futbollit ka të drejtë të zgjedhë datë. Pritet të jetë ose më 15 maj ose në 22 maj. Për nesër është caktuar takim virtual me klubet, ku do të zgjedhet data dhe do të shqyrtohen hollësitë. Është e sigurt se nuk do të ketë publikë në stadiume. Ky do të jetë Kampionati i parë i madh evropian që do të fillojë.

Deri në fund të kampionateve në Bundesligën e parë dhe të dytë ka 9 xhiro, si edhe vetëm tre ndeshje për Kupën e Gjermanisë. Nëse plani përmbushet, sezoni mund të përfundojë më së voni deri në fillim të korrikut.

Paraprakisht sot, kancelarja Angela Merkel kumtoi lehtësimin e masave kundër Kovid-19. Ekipet e futbollit tashmë gjatë kohë kanë licencë për trajnime dhe prandaj janë në epërsi me përgatitjet.

Projekti fillestar i organeve kompetente parashihte karantinë 14-ditëshe të obliguar për ekipet, që mund të çonte deri te shtyrja e rifillimit deri më 29 maj., Por, atëherë ai vendim u tërhoq.

Futbollistët dhe shtabet e të gjitha 36 klubeve në dy divizionet vazhdimisht po testohen për koronavirus. Deri më tani janë konfirmuar 12 raste. Pacientët dërgohen në shtëpi për dy javë. Plani është se nëse lojtari jep test pozitiv në të ardhmen, ai veçohet, por bashkëlojtarët e tij vazhdojnë të trajnohen dhe të luajnë./MIA