Greqia do e ketë shumë vështirë që të gjejë kreditorë jashtë BE-së dhe FMN-së.
Kështu deklaroi ministri i Financave në Gjermani, Wolfgang Schaeuble.
Sipas BBC, ai deklaroi se do mirëpriste përpjekjen e Greqisë për të gjetur investime në Pekin apo Moskë, por kjo do jetë shumë e vështirë.
Paralajmërimi i tij vjen pasi është shtuar ndjeshëm frika për një falimentim të Greqisë për shkak se kostot e huamarrjes për këtë vend kërcyen me 3.5 pikë përqindje në 27 përqind.
Ministri i Financave i Greqisë, Yanis Varoufakis tha se qeveria e tij refuzon që të marrë në konsideratë largimin nga BE.
Ai premtoi “kompromis, kompromis, kompromis pa u kompromentuar”.