17.300 denarë do të jetë pensioni mesatar deri në fund të këtij viti. Kështu deklaroi kryeministri Kovaçevski pas takimit që pati me Lidhjen e shoqatave të pensionistëve. Ai tha se metodologjia e re për rritje të pensioneve do të përkthehet në ligj dhe nuk do të varet nga dëshira dhe vullneti politik i askujt.
“Metodologjia bazohet në modelin zviceran, me të cilin harmonizimi i pensioneve do të lidhet me rritjen e shpenzimeve të jetesës me 50% dhe pagës mesatare gjithashtu në masën 50%. Është e pranueshme për vendin dhe do ta përmbushim plotësisht dhe do të fillojë të aplikohet pa vonesa shtesë me pensionin e shtatorit në vitin 2022”, tha Dimitar Kovaçevski, kryeministër.
Fakti se kjo metodologji për rritje të pensioneve do të futet në ligjin për sigurim invalidor dhe pensional, sipas kryetares së Lidhjes së Shoqatës së Pensionistëve, Stanka Trajkova u jep pensionistëve siguri juridike.
“Sindikata e pensionistëve të Maqedonisë, gati një vit jep propozime për ndryshimin e formulës për harmonizimin e pensioneve dhe për kënaqësinë tonë pas dy takimeve të punës epilogu është pozitiv. Kjo zgjidhje e re metodologjike do të përkthehet në ligj, ndaj priten ndryshime në ligjin për sigurimin pensional dhe invalidor dhe do të jetë vërtet një siguri e madhe ligjore për shfrytëzuesit e pensioneve”, pohoi Stanka Trajkova , kryetare e Sindikata e Shoqatës së Pensionistëve.
Ndryshe pothuajse 330.000 mijë pensionistë do të marrin shtesë 1000 denarë ndihmë financiare në pensionet për muajin mars, prill dhe maj, ndërsa me metodologjinë e re do të ketë rritje çdo vit të ardhshëm.