Drejtori i Qendrës për Menaxhim me Krizat, Stojançe Angellov ka qenë në cak të sulmeve pas shpërthimit të zjarreve në Maqedoninë e Veriut.
Shumica e kritikave lidheshin me fotografinë që e publikoi ai në rrjete sociale duke festuar 2 Gushtin – Ditën e Ilindenit, teksa në Koçan kishte shpërthyer zjarri.
Për këtë, gazetarët e pyesnin vazhdimisht për dorëheqje, megjithatë ai në paraqitje për media nuk premtoi diçka të tillë.
Ndërkaq, sot Qeveria në seancë e ka avancuar të njëjtin. Nga ushtruesi i detyrës së drejtorit, është emëruar drejtor.
“Qeveria e ka emëruar për drejtor të Qendrës për Menaxhim me Kriza, Stojançe Angellov”, thuhet në njoftim, transmeton TV21.