Komisioni Shtetëror i Zgjedhjeve në faqen zyrtare ka publikuar rezultatet e raundit të parë të zgjedhjeve lokale për komunën e Çairit.
Prej votave të përpunuara kandidati i BDI-së, Visar Ganiu ka fituar 12.990 vota, respektivisht 48,90 për qind të votave. I dyti renditet kandidati i ASH-AAA Bekim Sali me 9.824 vota, përkatësisht me 36,98 për qind vota të fituara. I treti kandidati i Lëvizjes Besa Kastriot Rexhepi me 1.069 vota ose 4,02% dhe Lidhja demokratike e Boshnjakëve 590 vota apo 2,22%.
Numri i përgjithshëm i votuesve që kanë votuar në këtë komunë 26.563
Numri i përgjithshëm i fletëvotimeve të vlefshme 24.723
Numri i përgjithshëm i fletëvotimeve të pavlefshme 1.841
Pjesëmarrja e votuesve 45,75%
Sipas rezultateve, kandidati i BDI-së Visar Ganiu dhe i ASH-AAA Bekim Sali garojnë në raund të dytë.
Në Butel nuk do të ketë raund të dytë pasi që Darko Kostovski nga VMRO-DPMNE fitoi 9,012 vota apo 52,79%. Ai do të udhëheq për katër vite komunën e Butelit. Kryetari aktual nga radhët e LSDM -së Velimir Smilevski ka fituar gjithsej 6,831 ose 40.01 përqind. 1,229 fletëvotimet e mbetura, nga ana janë të pavlefshme.