Fushata solli edhe të qeshura! Mickoski, Zaev dhe Gashi me barcoleta, Grubi kërceu

Kryetari i VMRO-DPMNE-së e nisi fushatën me shaka. Në Ohër filloi me satirë për Zaevin në të cilën në një vendbanim ky i fundit përpiqet ta zgjidhë problemin me ujësjellësin duke iu paraqitur drejtorëve.

 “Pas gjysmë ore e përfundon bisedën dhe thotë – u bë, problemi i parë është zgjidhur. Tani cili është problemi që doni t’jua zgjidh? Problemi i dytë  është, për shkak se është shekulli 21 të gjithë tashmë kanë komunikim mobil, vetëm komuna jonë është e izoluar, pa rrjet për celular”, u shpreh Hristijan Mickoski – kryetar i VMRO-DPMNE-së.

Siç e nisi, Mickoski edhe e mbylli fushatën, përsëri me barsoletë për Zaevin.

 “Kanë udhëtuar me aeroplan Merkeli, Makroni, Radevi, Jansha dhe Zaevi…”, tha Mickoski.

As kreu i LSDM-së, Zoran Zaev nuk e nisi më ndryshe. Ai nga Manastiri pyeti – nëse ka dy Zorana? Njëri kundër tyre dhe tjetri i cili po përballet me lajmet e rreme nga Budapesti?

 “Por, Regjistrimi i popullsisë do të tregojë nëse ekziston një apo dy Zoranë me mbiemrin Zaev. Nëse janë dy, jini të sigurt se janë grindur mes vete”, potencoi Zoran Zaev – kryetar i LSDM-së.

Në fushatë u treguan edhe eksperimente biologjie, siç bëri kreu i Alternativës Afrim Gashi.

Nga ana tjetër, Grubi kërceu në skenë…

Fushata përfundon në mesnatë, kurse të dielën votohet për raundin e parë të zgjedhjeve lokale. Nga e hëna fillon fushata dyjavore për rrethin e dytë.