Funksionarët po pastrojnë rrugët! A po përdoret Higjiena Komunale për reklamë?

Disa funksionar ditëve të fundit gjetën kohë për të dal e për të pastruar rrugët.

Nga kryetar komunash e deri tek zv/kryeministri i vendit u fotografuan me makineritë e Higjienës Komunale.

I fundit ishte Artan Grubi, i cili pastroi oborrin e Xhamisë në Çarshi.

Grupi mori edhe zorrën për të pastruar.

Drejtorin e pyetëm se cili do të jetë funksionar i radhës që do të pastroj rrugët!? Ai nuk tregoi, por tha se kjo po bëhet për ngritjen e vetëdijes së qytetarëve për ruajtën e ambientit.

TV21: Me shumë funksionarë jeni takuar, na tregoni se cili do të jetë funksionari i radhës që do të pastrojë rrugët?

“Neve si ndërmarrje kemi qenë të hapur për bashkëpunim me çdo institucion. Apeli jonë çdoherë ka qenë që të rrisim vetëdijen, sepse fatkeqësisht kemi akoma vende të cilët po shndërrohen në deponi dhe paraqitja edhe e funksionarëve dhe bashkësive fetare të gjithë duhet të kujdesemi për ambientin”, tha Abdulsamet Shabani.

E kur u pyet a po bëhet kjo vetëm gjatë kohës së festave, si dhe para zgjedhjeve, u përgjigj diçka tjetër.

“Në bazë të planit operativ Higjiena Komunale që miraton për çdo vjet, e kalojmë në këshill edhe të qytetit të Shkupit. Është periudha nga marsi deri në dhjetor vetëm gjatë sezonit dimërore jo, gjatë gjithë kësaj periudhe larja e rrugëve është prioritet”, u shpreh Abdulsamet Shabani.

NP “Higjiena Komunale” – Shkup realizoi aktivitete për larjen me duar dhe makinerike të objekteve më të mëdha fetare islame në territorin e qytetit të Shkupit. Me përdorimin e tre autocisternave dhe një automjeti special komunal – VAP, u bë larja e oborreve dhe rrethina e afërt e xhamive: Murat Pasha dhe Mustafa Pasha në Çashinë e Vjetër të Shkupit, Jahja Pasha në Çair, xhamia Isa Beu në Bit Pazar, xhamia Duqanxhik, xhamia Husein Shah në Saraj dhe të tjera.