Federata Angleze e Futbollit i ka shqiptuar sot një pezullim prej tre ndeshjesh futbollistit të Manchester Cityt, Phil Foden.
Futbollisti 26-vjeçar i Cityt do të mungojë në ndeshjen në shtëpi të Kupës së Ligës kundër Norwichit, si dhe në dy ndeshjet e Premier Ligës, në shtëpi kundër Sunderlandit dhe në transfertë ndaj Liverpoolit në “Anfield”.
Foden u dënua për një veprim josportiv në derbin e Manchesterit kundër Manchester Unitedit të dielën, kur në pjesën e parë të ndeshjes, ndërsa ishte i shtrirë në tokë, goditi me të dyja këmbët lojtarin kundërshtar Bruno Fernandes.
Edhe pse Manchester City që nga minuta e 23-të luajti me një futbollist më pak, arriti të triumfojë 1-0 në “Old Trafford”, falë golit të Erling Haaland.