37 filma janë përzgjedhur që të shfaqen në Festivalin Ndërkombëtar të Filmit “Bridge Film Fest” në Mitrovicë.
Ky qytet nga sot do të jetë nikoqir i shumë regjisorëve, producentëve dhe realizueseve të filmit.
Festivali do të mbahet nga data 16 deri më 22 shtator, dhe deri tashmë juria ka bërë përzgjedhjen e filmave që do të shfaqen për publikun në Mitrovicën Jugore dhe atë Veriore.
Përzgjedhja është bërë nga një staf profesional duke i shikuar gjithsejtë 2654 filma artistik dhe 264 filma dokumentar për mjedisin.
Sipas një komunikate të organizatorëve të këtij festivali, janë përzgjedhur të shfaqen 6 filma artistik të metrazhit të gjatë, 26 filma artistik të metrazhit të shkurtër dhe 5 filma dokumentar për mjedisin.
“Festivalin Ndërkombëtar të Filmit “Bridge Film Fest” do e nderoj Marko Caka dhe njëherit do e hap këtë Festival. Paraprakisht, do të mbahet një konferencë për media me Caken, në ambient të hapur afër Urës Kryesore mbi lumin “Ibër” me datë 16 Shtato r nga ora 17:00. Njëkohësisht ju njoftojmë që Festivalin do ta nderoj me prezencën e tij edhe Ambasadori i Ambasadës Norvegjeze, Jan Braathu i cili do të mbaj një fjalim para audiencës. Kurse Festivali do të hapet me filmin “Battalion”, film i prodhuar nga kompania e madhe e filmit “Columbia Picture”, nga regjisori i njohur rus Dmitry Meskhiev”, thuhet në komunikatë.
Sipas organizatorëve, për herë të parë në Mitrovicë do të shfaqen filma në mesin e urës kryesore mbi lumin “Ibër” më datë 19 Shtator nga ora 19:30.