Me të vërtetë është heroike lufta dhe puna që e bëni kohëve të fundit. Të përgatitet dhe të rregullohet sistemi për diçka që asnjëherë se ka parashikuar dikush se do të ndodh, as nuk ka qenë i gatshëm, as nuk ka pritur, ndërsa ju si dhe kolegët tuaj në të gjitha institucionet tjera shëndetësore publike atë e keni bërë në një periudhë kohore jashtëzakonisht të shkurtër me ndihmë atje ku është më se e nevojshme, risistemim i kuadrit për ndihmë të mjekëve dhe infermiereve të cilat punojnë në repartin infektiv dhe në repartin intern të ridestinuar për trajtim të pacientëve me Kovid-19 është me të vërtetë punë e madhe dhe heroike.
Këtë sot e theksoi ministri i Shëndetësisë Venko Filipçe pas vizitës në Spitalin e përgjithshëm në Gostivar.
Ai i ka uruar punonjësit shëndetësor, i falënderoi dhe tha se mbajnë llogari për secilin që është i përfshirë në këtë betejë.
“Me ribalancin e fundit të buxhetit u nda shumë e madhe e mjeteve e cila do të shkojë si shpërblim, i njëfishtë në muajin e ardhshëm për të gjithë punonjësit shëndetësor që punojnë me kovid pacientët”, tha Filipçe, i cili gjatë vizitës në Spitalin e përgjithshëm të Gostivarit ishte i shoqëruar nga zëvendëskryeministri i parë dhe ministër për Sitem Politik dhe Marrëdhënie mes Bashkësive Artan Grubi.