Reperi i njohur, Eminem, është raportuar se është në një lidhje me Katrina Malotën, një stiliste dhe grimere me origjinë shqiptare, e cila jeton dhe punon në Michigan, SHBA.
Burime për TMZ bëjnë të ditur se Katrina ka qenë pjesë e ekipit të ngushtë të Eminemit për vite me radhë, duke u kujdesur për pamjen e tij në videoklipe muzikore dhe sete fotografike.
Tani, marrëdhënia e tyre profesionale duket se është kthyer në një lidhje më të afërt personale.
Screenshot/TMZ
Përveç bashkëpunimit me Eminem, Katrina punon si stiliste flokësh në një sallon bukurie në Birmingham, Michigan.
Ajo ka gjithashtu një karrierë të suksesshme në fushën e bukurisë, duke punuar me artistë të njohur si Snoop Dogg, Robin Thicke dhe 50 Cent.
Në faqen e saj në Facebook thuhet se ajo është nga Detroit (Motor City), një detaj që e lidh edhe më shumë me reperin e “8 Mile”, i cili është vetë nga i njëjti qytet.
Ende nuk është e qartë se sa kohë kanë qenë bashkë, dhe asnjëri prej tyre nuk ka reaguar publikisht ndaj këtyre raportimeve.
Megjithatë, lajmi për lidhjen me stilisten me origjinë shqiptare ka tërhequr vëmendjen e mediave dhe fansave në mbarë botën.