Elon Musk është paditur në Nju Jork me akuzën se ka fryrë me një skemë piramidale çmimin e kriptovalutës Dogecoin, një kriptovalutë e lindur si për shaka në 2013, por që tani, megjithë kolapset e javëve të fundit, ka një kapital prej 7.68 miliardë dollarësh. Në mbrëmje, Dogecoin u shit me një rritje prej 8.4% në 0.05751 dollarë, një çmim ende larg rekordit prej 74 centësh të arritur në maj të vitit të kaluar. Agjencia Bloomberg zbuloi se njeriu më i pasur në botë dhe dy nga kompanitë e tij; Tesla dhe SpaceX po përballen me një padi prej 258 miliardë dollarësh për humbjet e shkaktuara nga operacionet tregtare të Dogecoin në 2019. “Të pandehurit pretendojnë në mënyrë jo të vërtetë dhe mashtruese se Dogecoin është një investim legjitim, ndërkohë nuk ka asnjë vlerë,” tha ai në ankesë Keith Johnson, shtetasi amerikan që ka paraqitur padinë. Johnson po përpiqet gjithashtu të bashkojë një grup personash që përfaqëson investitorët e tjerë të dëmtuar. Padia gjithashtu kërkon që Musk, Tesla dhe SpaceX të ndalojnë promovimin e Dogecoin.