Ekspozita Paolo Rossi, legjenda e futbollit / Ekspozita e hapur në galerinë nacionale të RMV

Paraditën e sotme u bë hapja e ekspozitës së titulluar “Paolo Rossi djali i artë dhe legjendat e futbollit”. Kjo ekspozitë është e hapur në Shkup tek Galeria Nacionale e Arteve të Maqedonisë së Veriut, në një bashkëpunim midis vetë Galerisë, Ambasadës së Italise në Shkup, Federatës së futbollit të Maqedonisë, Kryetarit të Odës Ekonomike të Maqedonisë Veri-Perëndimore Mendi Qyra si sponzorizues i projektit, si dhe klubit të futbollit F.C Struga Trim dhe Lum me në krye Presidentin Albtrim Qyra.

Për këtë organizim Kryetari i Odës Ekonomike të Maqedonisë Veri-Perëndimore Mendi Qyra u shpreh se është diçka që do e donin ta kenin shumë qytetarë të shteteve të tjera.

“Këtë pasuri që është produkt nga personalitetet sportive të mëdhenjtë siç është Paolo Rossi dhe sportistë tjerë të spikatur, // ne patëm mundësi për ta shfrytëzuar rastin, rast që do të donin ta kenë si mundësi qytetarë të shumë shteteve të tjera, sigurisht që kjo u arrit falë miqve nga Italia si dhe falë angazhimit të Presidentit të klubit FC Struga Trim & Lum, përndryshe Albtrim Qyra”, tha Mendi Qyra, kryetar i OEMVP.

E pranishme në këtë hapje ekspozite ishte edhe bashkëshortja e të ndjerit Paolo Rosi njëherit edhe President e fondacionit Paolo Rosi zonja Federika Kapeleti.

“Në të vertet më vjen mirë që këtë ekspozitë nga Tirana ta sjellim këtu në Shkup. Sepse Paolo Rossi është dëshmi dhe një shembull i shkëlqyer për principet pozitive të cilat duam t’i përcjellim përmes miqësisë mes popujve vlerat e mëdha. Paolo ishte njeri shembull për vlerat e mëdha edhe si lojtar futbolli, por edhe si njeri. Ne u përpoqëm që të përzgjedhim edhe legjendat e tjerë të futbollit si model shembull për sportistët e rinjë por edhe për të rinjtë në përgjithësi”, tha Federika Kapeleti – bashkëshortja e Paolo Rossit / Presidente e fondacionit Paolo Rosi.

Ndërkaq nuk munguan as momentet gazmore, kur Ambasadori i Italisë në Shkup Andrea Silvestri kujtoi kupën e botës së vitit 1982 kur Italia u shpall kampione në finalen e Madridit. Silvestri tha që atë vit patëm fat që Maqedonia e Veriut nuk kishte akoma ekip.

“Në atë kohë ishim me fat, sepse akoma nuk kishte një reprezentacion të Maqedonisë.”, u shpreh Andrea Silvestri – Ambasador i Italisë në Shkup.

Nga sot më 8 prill deri në datë 24 prill të këtij viti do jetë e hapur për publikun çdo ditë nga ora 10 deri në orën 18, hyrja do të jetë falas për të gjithë vizitorët.

Kujtojmë që kjo ekspozitë para dy muajsh ka qenë e hapur edhe në Tiranë.