Ekspertët shëndetësorë paralajmërojnë se është e mundur rritje e rasteve të infektuara me HIV, malarie dhe sëmundje të tjera në botë gjatë muajve të ardhshëm, ndërsa qeveritë nacionale janë të preokupuara me luftën kundër COVID-19, njofton CNN.
Ekspertët janë të brengosur për shkak të ngecjes në luftën kundër sëmundjeve siç janë tuberkulozi dhe fruthi dhe paralajmëruan për rritjen e urisë në botë, pasi organizatat humanitare po përpiqen ta balancojnë përgjigjen ndaj epidemisë së koronavirusit të ri me angazhimet e tyre në luftën kundër sfidave vijuese.
“Nëse nuk infektoheni me Kovid-19, por vdisni nga malaria, atëherë nuk do të jeni në pozitë më të favorshme. Por mund të ndalohet me të gjithë punën pasi vëmendja është krejt tjetër kund. Duhet vazhduar më tej”, tha Bil O’Kif, nënkryetar ekzekutiv për mision, mobilizim dhe përfaqësimin e shërbesave katolike për ndihmë.
Kryetarja e fushatës Uan, grup i cili lufton kundër varfërisë ekstreme dhe sëmundjeve parandaluese, Gejl Smith potencoi se beteja po udhëhiqet në më shumë fronte dhe duhet të kërkohen përgjigje për të gjithë ato. Ajo përkujtoi se gjatë epidemisë së ebolës, ka ardhur drejt rritjes së të infektuarve prej fruthit dhe malaries.
“Bashkësia jonë është e brengosur për shkak të ndikimit në vendet të cilat luftojnë kundër fruthit të vogël, kolerës, paralizës së fëmijëve, por në të njëjtën kohë duhet të luftojnë edhe kundër përhapjes së Kovid-19”, deklaroi Noam Unger, nënkryetar për politikë zhvillimore, përfaqësim dhe mësim në InterEkshën, aleancë e organizatave ndërkombëtare joqeveritare./MIA