Dyshohet se u arratis, shpallet fletarrest ndërkombëtar për Mijallkovin

Pasi nuk u kap me fletarrest nacional, ish drejtori për Siguri dhe Kundërzbulim i akuzuar në rastin “Target-Fortesa”, Sasho Mijallkov do të kërkohet me fletarrest ndërkombëtar.

Gjykata Penale tashmë ka sjellë vendim, jep pëlqim që të shpallet fletarrest ndërkombëtar.

“Për shkak të interesit të media dhe në lidhje me fletarrestin ndërkombëtar për të akuzuarin S.M., e informojmë publikon se nga ana e Ministrisë së Punëve të Brendshme deri te Këshilli Penal i Gjykatës Penale në Shkup, gjatë paraditës është dërguar kërkesë për pëlqim për shpallje të fletarrestit ndërkombëtar për të akuzuarin i cili gjatë ditës së djeshme i është shqiptuar masa e arrestit shtëpiak me 24 orë mbikëqyrje, gjegjësisht privim nga liria. Pas shqyrtimit të kërkesës, Këshilli penal menjëherë e ka pranuar kërkesën dhe ka dhënë pëlqim që të shpallet fletarrest ndërkombëtar nga MPB-ja dhe e njëjta tashmë i është dërguar edhe kërkuesit”, njoftojnë nga Gjykata Penale, transmeton TV21.

Fletarrestet ndërkombëtare shpallen në rast të dyshimit se i kërkuari nga organet e rendit, ka lëshuar vendin.

Ndërkaq, nga ana tjetër, policia ka vazhduar kërkimin e Mijallkovkit në hotelin në pronësi të tij “Meriot” në qendër të Shkupit dhe në shtëpinë e tij.

Kërkimi po bëhet nga dje, për t’iu dhënë shqiptimi i masës së arrestit shtëpiak. Kjo masë ishte shqiptuar për sigurimin e prezencës së Mijallkovit në seancën e 26 shkurtit ku duhet të shpallet aktgjykimi për rastin “Target-Fortesa”.

Në këtë rast, Mijallkov është i akuzuar për përgjimet ilegale derisa ka qenë drejtor i Drejtorisë për Siguri dhe Kundërzbulim./TV21