Prokuroria Themelore Publike në Tetovë ka hapur hetim ndaj dy banorëve të fshatit Brvenicë, të dyshuar si bashkëkryes të veprës penale “Prodhim dhe shitje e paautorizuar e narkotikëve”.
Të dyshuarit janë kapur më 4 tetor, rreth orës 2 pas mesnate, në autostradën Tetovë–Gostivar, me 110 gramë kokainë në automjetin e tyre BMW. Njëri prej tyre ka tentuar ta hedhë lëndën narkotike nga sedilja e pasagjerit, por policia e ka parandaluar.
Gjatë kontrollit janë gjetur edhe një peshore digjitale me gjurmë kokaine dhe rreth 206 mijë denarë dhe 1150 euro, të dyshuara se vijnë nga shitja e drogës. Prokuroria ka kërkuar paraburgim për njërin nga të dyshuarit, ndërsa për tjetrin masa kujdesi.