Dy shtetas të Maqedonisë së Veriut janë arrestuar në Aeroportin Ndërkombëtar në Tiranë, për shkak se tek ata janë gjetur euro dhe denarë, të cilat nuk i kanë deklaruar.
Nga shtetasit e Maqedonisë, të cilët do të udhëtonin në Norvegji, u zbuluan dhe sekuestruan 22.805 euro dhe 2.600 denarë.
Sipas njoftimit të policisë tek personi A.J. (33) u gjetën 11.800 euro dhe 2.600 denarë, ndërsa tek B.I. (43) 11.005 euro, të cilat nuk i kishin deklaruar.
Materialet procedurale janë dorëzuar nga Prokuroria e Tiranës për veprime të mëtejshme.