Durmishi: Nuk ka rritje drastike të çmimeve

Ministri i ekonomisë Besar Durmishi thotë se nuk ka rritje drastike të çmimeve, përcjell TV21. Gjatë ditës së nesërme ai e pret raportin nga Drejtoria e inspektoratit të tregut, për kontrollet e rregullta në muajin maj, për të parë se nëse janë rritur çmimet pas përfundimit të masës së Qeverisë.

“Nga ajo që di nuk ka rritje drastike të çmimeve. Vetëm prodhime të cilat janë sezonale, por ato nuk bëjnë pjesë në produktet elementare ushqimore. Nga ajo që më kanë informuar verbalisht nga drejtoria e inspektoratit të tregut është se nuk ka  rritje drastike të çmimeve të produkteve elementare ushqimore, aty ku është interesi i qytetarëve tanë”, tha Besar Durmishi – Ministër i Ekonomisë .