“Dorëheqje nëse ka arsye të justifikuara”, anëtarët e Këshillit Gjyqësor duhet të përgjigjen për interpelancën

Filloi afati dhjetë ditësh për pesë anëtarët e Këshillit Gjyqësor prej të cilëve pushteti kërkon dorëheqje. Në formë të shkruar u është dorëzuar interpelanca të cilën e parashtruan VMRO-DPMNE, VLEN dhe ZNAM, andaj tani pritet përgjigja e tyre. Ish-shefja e Këshillit Gjyqësor, Vesna Dameva, nuk u përgjigj nëse do të parashtrojë dorëheqje, por tha se do të analizojë përmbajtjen e interpelancës.

“Dorëheqja është akt personal dhe parashtrohet dorëheqje vetëm nëse ekzistojnë arsye të justifikuara për këtë gjë”, tha Vesna Dameva, anëtare e Këshillit Gjyqësor.

Qëndrim të njëjtë ka edhe Tanja Çaçarova-Ilievska e cila deklaroi se me shumë qasa pushteti ka për qëllim shpërbërjen e plotë të Këshillit.

“Ajo që më ra në sy është se nuk është interpelancë për anëtaren e Këshillit gjyqësor, Tanja Çaçarova Ilievska por është interpelancë për Këshillin Gjyqësor, flitet për përgjegjësi kolektive”, shtoi Tanja Çaçarova-Ilievsa, anëtare e Këshillit Gjyqësor.

Kryeministri Hristijan Mickoski publikisht u bëri thirrje anëtarëve që të dorëzojnë dorëheqje, duke kërkuar nga ato që të tregohen të guximshëm. Në linjë të njëjtë është edhe presidentja, Gordana Siljanovska Davkova, e cila tha se ata nuk janë emëruar për të qenë mjeshtër të skandaleve.

Tani për tani pushteti nuk zbulon se çfarë mekanizmash do të ndërmerr nëse interpelanca miratohet në Kuvend, e anëtarët e Këshillit Gjyqësor nuk japin dorëheqje. Në përputhje me afatet, epilogu do të dihet në fillim të marsit. Përveç Damevës dhe Çaçarova Ilievskës, nga Kuvendi në Këshill janë emëruar edhe Selim Ademi, Pavlina Cërvenkovska dhe Milazim Mustafa. Një pjesë e tyre paraprakisht theksuan se duhet të ekzistojnë arsye e argumentuar për të dhënë dorëheqje.