Dita e dytë që në Kosovë regjistrohen mbi 1 mijë raste të reja!

Në 24 orët e fundit në Kosovë janë konfirmuar 1 mijë e 128 raste të reja me COVID-19, nga 7 mijë e 424 testime të kryera.

Ministria e Shëndetësisë ka njoftuar se gjatë këtyre orëve janë shënuar 3 raste të vdekjes.

Sot janë shëruar 46 qytetarë, derisa numri i përgjithshëm i të shëruarve është 106 mijë e 9.

Në total numri i rasteve aktive është 5 mijë e 493.

Në 24 orët e fundit janë dhënë 19 mijë e 248 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 559 mijë e 7 doza të vaksinës.

Deri më sot 192 mijë e 503 qytetarë janë vaksinuar me dozën e dytë./21Media