16 vjeçarja nga Tetova mbrëmë ka qenë viktimë e dhunës familjare në Tetovë. Sipas komunikatës së policisë, viktima është rrahur nga burri i saj me të cilin për disa vite po bashkëjetonte.
Ngjarja e dhunshme ka ndodhur në prani të nënës së viktimës. Rasti menjëherë është paraqitur në polici, ku është konstatuar se e mitura është rrahur brutalisht dhe ka përfunduar në spital. Policia ka ngritur kallëzim penal ndaj personit që ushtroi dhunë.