Në një kohë kur qeveria e Maqedonisw sw Veriut po përballet me hapësirë të kufizuar manovrimi në lidhje me kornizën negociuese me Bashkimin Europian, kryetari i Institutit për Demokraci “Societas Civilis”, Marko Troshanovski, paralajmëron se ndryshimi i vetë kornizës është pothuajse i pamundur – por kjo është arsyeja se pse është thelbësore, thotë ai, të ndryshohet skenari i zbatimit të saj.
Në këtë kornizë, ai thekson rolin e komisionit historik si një pjesë veçanërisht problematike, i cili, sipas tij, vepron pa rregullore, nën presion politik dhe me një ritëm që nuk korrespondon me ndjeshmërinë e çështjeve historike. Ai e sheh zgjidhjen në këmbënguljen për kushte të reja për punën e saj, bazuar në standardet europiane.
Paralelisht, ai beson se fokusi duhet të jetë edhe te Plani i Veprimit për Mbrojtjen e komuniteteve, i cili duhet të bazohet në kritere të qarta dhe të matshme, dhe jo në akuza të përgjithshme si ato për gjuhë urrejtjeje bazuar në “mijëra postime në Facebook”.
Lidhur me kulturën politike në vend, ai thotë se edhe pse ka përparim në tonin e debatit pas tragjedive që bashkuan partitë, ndarja etnike dhe mungesa e debatit konstruktiv ende ndihen, veçanërisht nga opozita.
I pyetur për komunikimin e qeverisë aktuale me qytetarët, Troshanovski tha se VMRO-DPMNE, ashtu si në të kaluarën, investon shumë në komunikimin politik dhe e bën këtë vazhdimisht, por tani për tani pa abuzime të mediave siç ishte në të kaluarën.