Delegacioni qeveritar në Bruksel, Mickoski: Me krerët e Komisionit do të flasë për garancitë

Kryeministri Hristijan Mickoski me krerët e KE-së do të bisedojë për garancitë në rrugën eurointegruese – përkatësisht të mos ketë çështje të reja dypalëshe deri në anëtarësimin në BE. Mickoski në Bruksel do të takohet me kryetaren e KE-së, Ursula von der Lajen dhe kryetarin e Këshillit Sharll Mishell. Kryeministri paralajmëroi se do t’ua theksojë frustrimin e qytetarëve nga procesi për shkak të, siç thotë, pengesave të imponuara në mënyrë artificiale.

“Të dimë që nëse e fillojmë, siç na u premtua në vitin 2018, për tre-katër vjet maksimum të përfundojmë atë rrugë dhe do të jemi anëtarë të BE-së. Pjesa tjetër janë tregime dhe kurthe që si Qeveri, e as unë si njeri, nuk kam për qëllim që të biem pre”, tha kryeministri i vendit, Hristijan Mickoski.

Megjithatë, sipas analistit politik Petar Arsovski, mundësitë për garancat janë minimale dhe pothuajse joekzistente.

“Krerët e Bashkimit Europian, duke pasur parasysh se e konsiderojnë kornizën e negociatave fikse, për çdo problem tjetër dypalësh përgjigjja do të jetë “nëse ju dhe Bullgaria bini dakord për ndonjë ndryshim, ne nuk kemi asnjë problem me të”. Por kjo do të thotë se përsëri pajtueshmëria për një ndryshim të tillë për atë që tashmë është rënë dakord do të duhet të përfundojë në Sofje. Për momentin nuk shoh asnjë motiv apo arsye që Sofja të pranojë ndonjë ndryshim të kushteve të dakorduara”, u shpreh Petar Arsovski – analist politik.

Burime nga MPJ thonë se seriozisht po punojnë në të ashtuquajturin “propozimi francez plus” por tani kjo është vetëm ide e jo propozim formal për ndryshme eventuale kushtetuese me prapaveprim. Sipas burimeve është e rëndësishme që të ofrojmë zgjidhje dhe të udhëhiqet dialog edhe pse në raportet ndërkombëtare nuk ka garanci për sukses. Ata vlerësojnë se rruga deri te zgjidhja nuk do të jetë e lehtë dhe presin që të formohet Qeveri politike e qëndrueshme në Bullgari.

Përndryshe përveç kryeministrit Mickoski, në Bruksel është edhe shefi i diplomacisë Timço Mucunski dhe ministri për çështje europiane, tashmë edhe kryenegociator, Orhan Murtezani.

Arsyeja zyrtare për vizitën është finalizimi i Planit për rritje për të cilin BE do të ndajë mjete financiare shtesë për Maqedoninë, ndërsa në këmbim vendi do të duhet të zbatojë reforma.