Stejt Departmentit Amerikan inkurajojmë qeverinë e Maqedonisë dhe Bullgarisë që të vazhdojnë me dialogun dypalësh që të zgjidhen dallimet me qëllim që vendi ynë të mos ngecë në rrugën e integrimit europian.
“SHBA fuqishëm mbështetë integrimin e tërësishëm të Maqedonisë së Veriut në Bashkimin Europian. Bashkimi Europian në të cilën bën pjesë i gjithë Ballkani Perëndimor, përfshirë dhe Maqedoninë e Veriut, do të jetë më e fuqishme dhe më prosperitare. Inkurajojmë qeveritë e Maqedonisë së Veriut dhe Bullgarisë të vazhdojnë me dialogun e tyre dypalësh për zgjidhjen e dallimeve, përmbushjen e marrëveshjeve paraprake dhe mbështetje të integrimit të përshpejtuar të Maqedonisë”, tha Departmenti Amerikan i Shtetit.
Nga ana tjetër Ministri i Punëve të Jashtme Bujar Osmani, në një intervistë për Sitel, tregon se realisht afati i fundit i ndryshimeve kushtetuese është deri në ditën e fundit të mandatit të kësaj përbërje parlamentare.
“Unë jam optimist se do të bëhet. Kuptohet qëllimi fillestar është deri në nëntor, për shkak se atëherë është kalendari administrativ i skriningut. Mirëpo afati real është deri në ditën e fundit të mandatit të këtij Kuvendi, që do të thotë deri në zgjedhjet e ardhshme. Deri në ditën e fundit ne do të punojmë që të sigurojmë mbështetje për ndryshimet kushtetuese dhe duke konsideruar se nuk ka argumente kundër. Mendoj se këtë betejë fillestare ne e fituam”, deklaroi Bujar Osmani, ministër i MPJ-së.
Mirëpo dhjetë ditë para seancës plenare për ndryshime kushtetuese, pushteti dhe opozita ende janë me qëndrime diametralisht të kundërta. Nga DPMNE duan garanci se korniza negociuese nuk do të shndërrohet në qëllim tjetër duke nxjerrë kushte të tjera.
“Edhe më parë, edhe tani themi, ndryshim të Kushtetutës nën diktat bullgar nuk do të ketë! Edhe atëherë edhe tani themi, nevojiten garanci institucionale nga BE për identitetin shumëshekullor të popullit maqedonas, por edhe garanci se procesi i negociatave nuk do të shndërrohet në qëllim lëvizës ku do të dalin kushte të reja deri te asimilimi i Maqedonisë dhe popullit maqedonas”, u shpreh Naum Stoillkovski, zëdhënës i VMRO-DPMNE-së .
Ndaj deklaratave të Osmanit kishte reagim edhe nga deputeti dhe kryetari i Lidhjes Demokratike Pavle Trajanov. Ai thotë se Qeveria ka manipuluar me të gjithë përfshirë këtu dhe SHBA-të duke thënë se afati i fundit për ndryshimet kushtetuese është në nëntor.