Pas pesëdhjetë e pesë ditëve, pasi nuk kishte transferim lokal në Pekin dhe konsiderohej që ka përfunduar pandemia e koronavirusit, virusi u rishfaq në një treg në Pekin ku u infektuan 180 njerëz, transmeton CNN.
Në vetëm pak ditë, metropoli i më shumë se 20 milion banorëve është izoluar pjesërisht dhe disa masa janë rivendosur – shkollat janë mbyllur, qasja në zonat e banuara është e kufizuar dhe qindra mijëra njerëz janë ndaluar të largohen nga qyteti, konsiderohet se kanë kërcënim nga infeksioni.
Kjo është goditja e dytë më e rëndë për koronavirusin deri më tani, ndërsa autoritetet e Pekinit ende po përpiqen të përcaktojnë shkaqet.
“Ky shembull shërben si kujtesë e qartë për botën se sa lehtë mund të kthehet ky virus në mjedise ku mendohet se kontrollohet me sukses”, përfundoi raporti CNN.