Shpenzimet për ndërtim po ulen, por çmimet e banesave arritën kulmin. A mundet shteti që të ulë çmimin për metër katrorë banesor në vend, që në Shkup tejkalojnë 2000 euro madje edhe 3000 euro?! Qytetarët reaguan për thirrjen që u paraqit para pak kohe, ku një banesë luksoze në qendrën e Shkupit shitet me çmime prej mbi 5300 eurove për metër katrorë, apo 47 metra katrorë për 250 mijë euro. Reagoi edhe ish ministri i financave, Kirill Minoski i cili doli me propozim deri te Qeveria – të shqyrtohet mundësia për rregullimin e marzheve në sektorin e ndërtimtarisë që të pengohet rritja e pakontrolluar e çmimeve.
“Në afat të shkurtër shteti mund të intervenojë në atë mënyrë që do të rritë, do të vendosin praktika në kufizimin e marzhit në ndërtimin e banesave të reja edhe atë një periudhë të caktuar kohore, derisa të stabilizohet çmimi, ngjashëm me shembullin që shfrytëzohet në Francë ku kryhet ngrirje e përkohshme e çmimeve në shërbimet ndërtimore dhe komunale. Vlerësoj se ky është një prej modeleve”, tha Kirill Minoski
Minoski vlerëson se mund të shfrytëzohen shembuj nga shumë vende europiane por te ne mundet përmes ndryshimeve ligjore të merret shembulli me Ligjin për praktika të padrejta tregtare që tani vlen vetën për produktet ushqimore dhe bujqësore. Ai me paralajmërim:
-Të gjithë krizat që deri më tani janë paraqitur në botë, nga viti 1997, 2008 janë në lidhje me patundshmërinë dhe rritjen e pakontrolluar të patundshmërive.
Nga Ministria për transport nuk arritëm të marrim përgjigje për këtë propozim. Paraprakisht paralajmëruan se do të punohet në ndërtimin e godinave komerciale banesore përmes Ndërmarrjes publike banesore dhe çmimi i banesave shtetërore do të jetë fikse – 1000 euro.
Analiza e Biznes 21 treguan se nëse në vitin 2020, të cilat janë edhe të dhënat e fundit zyrtare nga Regjistri i çmimeve dhe patundshmërive, një metër katrorë në Shkup është shitur për 970 euro, ndërsa tani çmimi është shumëfishuar.
Se çmimet po rriten edhe nga fillimi i vitit konfirmoi edhe ueb faqja e specializuar cenakvadrat.com. Kështu që për momentin çmimi mesatar në Qendër të Shkupit kalon 2.000 euro, ndërsa mbi 1.900 euro është çmim mesatar për një metër katror në Karposh.
Dhe përderisa çmimi për një metër katror banesor po thyen rekorde, statistika publikoi se në janar janë dhënë 317 leje ndërtimi – 23.8% më shumë se në periudhën e njëjtë të vitit të kaluar. Do të ndërtohen 759 banesa të reja, më së shumti në Ilinden.