Çiklisti në aksion, David Martineli shpërndanë barna me biçikletë

Biçikleta e David Martinelit është një mjet pune. Italiani 26-vjeçar është çiklist profesionist. Por, për shkak të koronavirusit, sezoni i çiklizmit është ndërprerë. Martineli mbetet pozitiv, duke u kujdesur për formën e tij. Është lindur në Lombardi, rajon i cili është më i prekur nga virusi. Ai bën stërvitje rregullisht, por në të njëjtën kohë i ndihmon qytetarëve duke shpërndarë barëra për njerëzit në izolim.

“Pasi jam çiklist i cili për çdo ditë kalon nga 10km, kjo nuk paraqet problem për mua. Desha që në këtë mënyrë t’u ndihmoj njerëzve të cilët më kanë mbështetur gjatë gjithë vitit”, tha David Martineli.

Për Martinelin situata aktuale paraqet një sfidë, por edhe mundësi për t’u dalë në ndihmë njerëzve.

“Sa më pak njerëz shkojnë në barnatore, aq më mirë. Kemi përgjegjësi, sepse nëse shkoj unë në vend të 3-4 personave, rreziku për përhapjen e infeksionit do të jetë më i vogël”, tha David Martineli.

Orari për garat çikliste është ndryshuar për shkak të pandemisë me koronavirus. Gara rreth Italisë është anuluar, kurse ende nuk dihet nëse do të mbahet “Tur de Frans”.

“Në këtë moment nuk mund të flasim për anulime, por sigurisht se data e mbajtjes së garës do të shtyhet. Shpresoj se në gusht dhe shtator do të mund të garojmë nëpër botë. Në fund të fundit, ky është një sport përmes të cilit udhëtohet. Shpresoj se deri në shtator, virusi do të zhduket, pas çka do të mund ta hapin sezonin”, tha Xhuzepe Martineli, Drejtor Sportiv.

David Martineli do të vazhdojë me shpërndarjen e barërave për njerëzit, sepse kjo është gara e tij më e madhe dhe më e vlefshme.