Kompromisi mes Serbisë dhe Kosovës është duke u parë si mënyra e vetme e zgjidhjes së dialogut mes Beogradit dhe Prishtinës.
Se çfarë kompromisi është e gatshme të bëjë Serbia, për këtë TV21 e pyeti kryeministren serbe, Ana Bërnabiq.
Ajo nuk dha përgjigje konkrete, por sqaroi se për të kompromisi nënkupton që të dy vendet do të humbin diçka.
“Të hiqni dorë nga pozita e juaj dhe të thoni në rregull. Edhe ne, edhe ju do të merrni diçka. Por, që të dy do të humbin diçka. Kjo për mua është kompromis”, u përgjigj Bërnabiq.
Ndërkaq përsëritit edhe njëherë, se sado e vështirë të jetë një gjë e tillë, nuk ka alternativë tjetër pos dialogut.
“Se sa do të ndodh kjo, varet nga Prishtina dhe Beograd, por diçka dihet, se dialogu nuk ka alternativë, sado që të jetë i vështirë, emotiv”, shtoi më tej ajo, transmeton TV21.
LEXO: Ana Bërnabiq: Dialogu nuk ka alternativë