Çfarë do të vendos? ​Cristiano Ronaldo jep detaje të reja për të ardhmen e tij

Cristiano Ronaldo thotë se ai është i fokusuar në arritjen e objektivave të reja përsëri në Manchester United, duke aluduar se ai mund të qëndrojë në “Old Trafford” edhe për sezonin e ardhshëm.

Pavarësisht se shënoi golin e tij të 24-të të sezonit kundër Brentfordit të hënën mbrëma, spekulimet vazhdojnë se portugezi mund të vazhdojë të mbetet pjesë e klubit edhe pse nuk do t’i garantohet pozitat e titullarit.

Megjithatë, ndërsa Real Madridi thuhet se është në mesin e klubeve që po monitorojnë situatën, superylli portugez ka dhënë një tregues të planeve të tij të ardhshme duke sugjeruar se fokusi i tij është të fitojë trofe me ekipin e tij aktual.

Në një postim në rrjetet sociale, 37-vjeçari shkroi:

“Edhe një herë, mbështetje e madhe nga tribuna. Le të shfrytëzojmë këtë mundësi të lojës sonë të fundit të sezonit në “Old Trafford” për të falënderuar mbështetësit tanë të mrekullueshëm, të cilët përjetuan një sezon të vështirë me skuadrën tonë dhe nuk na braktisi kurrë. Faleminderit djema. Mbështetja juaj do të thotë bota për ne dhe qëllimi ynë është të bëhemi më të mirë çdo ditë, në mënyrë që të arrijmë atë që të gjithë duam: trofe për Man. United!”, ka shkruar ylli portugez.

Ronaldo aktualisht ka një kontratë me United deri në fund të 2022-23, me një opsion për një vit shtesë nëse të dyja palët bien dakord reciprokisht për këtë çështje.