Çfarë do të sjellë ligji i ri për amnisti që është në procedurë të sjelljes, pasi që muajin e kaluar e miratoi Qeveria dhe deri te Kuvendi do të parashtrohet me procedurë të shkurtër. Eksperti i të drejtës juridike, profesori Svedomir Shkariq, në përgjithësi është kundër sjelljes, për shkak se, siç thotë, me këtë kryhet sulm në pushtetin gjyqësorë. Megjithatë shton se kjo amnisti nuk është për ndonjë racionalitet por më shumë është nevojë për zbrazjen e burgjeve të stërmbushura.
“Burgjet janë të stërmbushur, nuk ka vend për kriminelë të rinj, andaj në atë mënyrë atë e lejojmë dhe për shkak të pakujdesit të personave përgjegjës për mirëmbajtjen e kushteve të burgjeve, e drejta duhet të vuaj. Me çdo amnisti, ndërsa me këtë në mënyrë të veçantë, gjerësisht intervenohet në pushtetin gjyqësorë. Në fakt Kuvendi përmes këtij ligji luan rolin e gjykatës edhe atë gjykon me procedurë të shkurtër”, tha Svetomir Shkariq, profesor i të drejtës juridike.
Edhe për akademikun, Vllado Kambovski, Kuvendi me sjelljen e Ligjit për amnisti intervenon në të drejtën sanksionuese dhe porositi se amnistia duhet dhënë për arsye më të mëdha.
“Kur Kuvendi çdo ditë do të sillte ligje për amnisti atëherë me siguri kjo do të thoshte kufizim i pushtetit gjyqësorë. Dhe sipas kësaj kjo është restriktive, Kuvendi duhet të sjellë Ligj për amnisti vetëm kur ka arsye të mirëfillta. Ata arsye mund të jenë të ndryshme, të themi, që të përmirësohen situata të padrejta”, pohoi Vllado Kambovski, akademik.
Duhet të rishqyrtohet, kryesisht argument kryesorë është zgjidhja e problemit me burgjet e stërmbushura.
Ish gjykatësja në Gjykatën për të drejtat e njerëzve në Strasburg, Margarita Caca Nikollovska, parashtroi pyetjen – Çfarë do të arrihet me amnisti:
“A do të zgjidhet kjo me amnisti, nuk jam plotësisht e sigurt. Ndoshta një pjesë e burgjeve do të lirohen, megjithatë ajo që është më e rëndësishme është se shteti duhet të mendojë së pari që në mënyrë tjetër të zbatohen dënimet që të jetë mënyrë dinjitoze dhe adekuate”, pohoi Margarita Caca Nikollovska, Instituti për të drejtat e njeriut.
Sjellja e Ligjit për amnisti që është në procedurë, nga Qeveria e arsyetojnë se sillet që të lirohen burgjet dhe të ndihmohet procesi i re-integrimit të të dënuarve. Me këtë amnisti nuk do të përfshihen personat që janë të dënuar për vepra të rënda. Është paraparë që personat që janë të dënuar me deri në 6 muaj burg, plotësisht të lirohen nga vuajtja e dënimit, ndërsa ata që vuajnë dënime prej më shumë se 6 muaj, dënimi tu ulet për 1/3. Përndryshe kjo është amnistia e 7 me radhë që sillet në vendin tonë.