Carovska: Modelin arsimor që kemi zgjedhur po jep rezultate

Modeli që kemi zgjedhur si shtet për zbatimin e arsimit në kohën e pandemisë së Kovid-19 ose në vitin aktual shkollor ka treguar rezultate të suksesshme, mendoj se në këtë mënyrë duhet të vazhdojmë në periudhën tjetër. Nëse krijohen kushte që të gjithë nxënësit të kthehen në mësim, ne do ta bëjmë atë, tha në konferencën e sotme për shtyp, ministrja e Arsimit Milla Carovska.

Duke iu përgjigjur pyetjeve të gazetarëve nëse është planifikuar që nxënësit të kthehen në shkollë në gjysmën e dytë të këtij viti shkollor, ajo tha se nëse krijohen kushte ata do të kthehen, por për këtë vendosin autoritetet shëndetësore në koordinim me Ministrinë e Arsimit, të cilat, siç theksoi, kanë njohuri dhe konceptin e tejkalimit të pandemisë e cila është problem shëndetësor për momentin, dhe së cilës i është përshtatur arsimi, sepse ne kemi qëllimin e vetëm për të mbrojtur shëndetin e mësuesve, nxënësve dhe të gjithë popullsisë dhe gjithashtu për të kemi edhe vazhdimësi të arsimimit.

Carovska theksoi se 90 për qind e nxënësve dhe mësimdhënësve zhvillojnë ose dëgjojnë onlajn mësimin pa ndonjë problem.

“Tremujori i parë kaloi pa probleme të mëdha, vlerësimi përfundoi të premten. Kam pasur takim me të gjithë drejtorët e shkollave fillore dhe të mesme, ata nuk thanë që kishte sfida dhe nëse disa prej tyre kishin sfida, ata i kapërcenin ato së bashku me mësuesit dhe disa nga familjet, nëse duhej të bëhej një vlerësim i pranisë fizike. Në disa prej shkollave, ka ditë të hapura për konsultime me nxënësit në mënyrë që të plotësojnë njohuritë që mund të jenë lënë jashtë për shkak të përcjelljes së orëve mësimore nëpërmjet televizionit”, tha Carovska.

Ministrja e Arsimit theksoi se 76 nxënës dhe 167 mësimdhënës janë pozitivë me Kovid-19 që nga 4 dhjetori.

“Kjo tregon që protokollet janë zbatuar plotësisht dhe se deri më tani nuk kemi përhapje të brendshme të sëmundjes në shkolla. Prandaj, sistemi arsimor duhet të vazhdojë të punojë në mënyrën se si e filloi vitin shkollor”, tha Carovska.

Lidhur me vlerësimin e nxënësve, ministrja tha se kjo përfundoi pa sfida të mëdha.