Efekte negative më të matura nga kriza shëndetësore mbi aktivitetin ekonomik dhe lëvizje më të volitshme në ekonominë vendore janë vërejtur në kuartalin e fundit të vitit 2020, lidhur me kuartalin paraprak, vlerëson Banka Popullore në bazë të të dhënave të frekuentuara lartë për kuartalin e fundit të vitit 2020.
Në informacionin e publikuar mujor theksojnë se në kuartalin e tretë të vitit 2020 dukshëm u ngadalësua ulja e Bruto Prodhimit Vendor, ndërsa realizimet në tre kuartalet e para janë në kuadër të pritshmërive të projeksioneve të tetorit.
Shpjegojnë se në kushtet e masave të synuara dhe më pak kufizuese për t’u përballur me valën e dytë të
Kovid-19, rregullimi gradual i sjelljes dhe shprehive të subjekteve ndaj situatës së re, si dhe masat e marra për të mbështetur ekonominë, të dhënat për këtë periudhë tregojnë ngadalësim të mëtejshëm të rënies vjetore të industrisë dhe qarkullimit në tregtinë totale, si dhe përshpejtimin e rritjes në ndërtimtari ndërsa lëvizjet e pafavorshme vërehen në qarkullimin në hotelieri.
Sa i përket inflacionit, realizimet për tërë vitin 2020 janë në përputhje me parashikimin, që gjatë rishikimeve në drejtime të ndryshme në supozimet e jashtme hyrëse, tani për tani tregon për rreziqe të ekuilibruara në lidhje me lëvizjen e inflacionit në periudhën e ardhshme, theksojnë nga Banka Popullore.
Lidhur me ndryshimet në çmimet e konsumit, siç thuhet në informacion, norma vjetore e realizuar e inflacionit në dhjetor 2020 prej 2,3 për qind është pak më e lartë se sa pritej sipas parashikimit të tetorit. Sidoqoftë, Banka Popullore beson se për të gjithë vitin 2020, norma vjetore e realizuar e inflacionit prej 1,2 për qind është në përputhje me parashikimin e tetorit (norma e parashikuar e inflacionit prej 1,1 për qind).
Në kuadër të kategorive ushqimore, theksojnë se rritje mesatare shënojnë çmimet e bukës dhe drithërave, mishit, produkteve të qumështit dhe frutat.
Sipas Bankës Popullore, inflacioni bazik kryesisht i referohet ndryshimeve të natyrës administrative lidhur me rritjen e akcizës në çmimet e duhanit.
Rezervat e devizave theksojnë edhe më tej janë në nivel të përshtatshëm dhe ruhen në zonë të sigurt.
Në kuadër të sektorit monetar, rritja vjetore e depozitave dhe e kredive bashkë me nëntorin kryesisht është në kuadër të projeksioneve për kuartalin e katërt të vitit 2020, sipas projeksionit të tetorit.