Bonus për administratorët para zgjedhjeve, ministri Shaqiri: Për këtë është vendosur para dy muajve

Paralajmërimi për ndarjen e bonuseve për nëpunësit shtetërorë shkaktoi reagime në opinion se bëhet fjalë për blerje parazgjedhore ose në vend që Qeveria t’i shpërblejë zjarrfikësit apo punëtorët shëndetësorë, u jep para administratorëve që kanë qëndruar në shtëpi. E pyetëm ministrin për Shoqëri Informatike dhe Administratë, Jeton Shaqirin, pse kanë vendosur të ndajë bonuse në periudhë zgjedhore?

“Procesi i sjelljes së Ligjit për ekzekutim në Buxhet është filluar para dy muajve, jo tani para zgjedhjeve. Por, procedurat parlamentare dhe qeveritare kaluan në këtë fazë, ndërsa ky proces nuk ka lidhje me procesin zgjedhor. Nuk e shohim administratën publike si lidhje me proceset politike apo fushatat parazgjedhore”, tha Shaqiri.

Kryetarja e Antikorrupsionit thotë se kjo është blerje flagrante e administratës. Edhe pse nuk kanë mënyrë në bazë të së cilës do të ngritin procedurë, megjithatë thonë se do të notohet edhe në raportin e tyre vjetor.

“Asgjë nuk është konkretisht e definuar, kush, sa dhe për çfarë do të marrë para. Nëse këto para ndahen për shkak të gjendjes së shkaktuar nga Kovid-19 ose nuk e di për zjarret e kështu me radhë, në Buxhet ka pikë të planifikuar për rezerva të cilat saktë janë të përcaktuara për gjëra të tilla. Pse të mos shfrytëzohen ato para, pse duhet patjetër të shkohet me bonuse? Nga ana tjetër, nëse shihni se kush do të jenë shfrytëzuesit, se në fakt, të themi, janë të gjithë ministritë, ne këtë e vlerësojmë si ndikim ndaj administratës, përkatësisht si blerje sistemore e administratës publike”, deklaroi Biljana Ivanovska, kryetare e Antikorrupsionit.

Edhe pse pjesa më e madhe e administratës gjatë pandemisë kanë qëndruar dhe punuar nga shtëpia, Shaqiri thotë se kjo është vlerësim dhe shpërblim për ata që janë dalluar në punën e tyre.

“Ja unë në Ministrinë për Shoqëri Informatike kërkova që të gjithë që kanë dhënë kontribut në punë dhe shpresoj se nga mjetet e lira në Buxhet, pse, ndonjë institucion nuk i ka realizuar, ndonjë institucion i ka realizuar vetëm një përqindje. Dhe nuk do të thotë që parashtrimi i ligjeve për të punësuarit në sektorin publik dhe nëpunësit që do të jenë në Qeveri në muajin shtator ose tetor dhe pas zgjedhjeve kanë të bëjnë me procesin”, shton Shaqiri.

Reagoi edhe kryetari i Sindikatës për Arsim, Shkencë dhe Kulturë, Jakim Nedellkov, se po bëhet shpërblim selektiv.

“Anëtarët e SASHK-ut të dëshpëruar nga parametrat e dyfishtë të shtetit. U paguhen bonuse administratës publike për shkak të vëllimit më të madh të punës në periudhë të pandemisë. Nëse dikush kishte më shumë punë, atëherë ato ishin mësimdhënësit. Trup, para në Buxhet ka për gjithçka, edhe për K-15 selektive, vetëm për arsimin, shkencën dhe kulturën nuk ka para”, tha Nedellkov.

Qeveria në seancën e mbajtur më 5 gusht, një ditë para shpalljes së zgjedhjeve, solli vendim për shpërblim të njëhershëm të të punësuarve nëpër ministri dhe shërbime qeveritare në vlerë prej 30% të pagës themelore edhe atë në dy baza – për vëllim të rritur të punës dhe për vlerësimin e suksesit të tyre.