Bexheti në 10 Minuta: Ka lëshime të mëdha në pakon e tretë ekonomike

Ka lëshime të mëdha në pakon e tretë ekonomike, është qesharake se subvencione kanë marrë bashkëshortet dhe fëmijët e pronarëve të kompanive private, vlerësoi akademiku dhe eksperti i ekonomisë, Abdylmenaf Bexheti në emisionin “10 Minuta”.

Sipas tij, këta persona janë të shumtë, prandaj vlerëson se kjo është tragji-komike.

“Bashkëshortet, fëmijët e pronarëve të kompanive, edhe ata kanë marrë kartele, kjo është qesharake, tragji-komike. Pra, në asnjë mënyrë nuk duhej të lejohej gjatë selektimit, këta sa janë nuk e di, por e di se janë shumë”, tha Bexheti.