KF Shkëndija Haraçinë 77 prezantoi prurjen e re, futbollistin Besar Iseni, i cili vjen me përvojë nga Superliga e Kosovës me FC Vushtrria dhe Superliga Shqiptare me FC Egnatia, përcjell TV21. Iseni ka luajtur më parë edhe në Ligën e Parë për KF Shkup, KF Voska Sport dhe FK Vardari, duke u dalluar për seriozitet dhe përkushtim. Klubi mirëpret sulmuesin me ambicie të mëdha dhe standarde të larta profesionale.
“Besar Iseni, kuq e zi! Klubi ynë ka kënaqësinë të prezantojë futbollistin Besar Iseni, një emër i njohur dhe i dëshmuar në futbollin rajonal, i cili bashkohet me ambicie të qarta dhe synime të mëdha. Me ardhjen e Besar Isenit, klubi ynë fiton një futbollist me përvojë, mentalitet fitues dhe standarde të larta profesionale. Mirë se erdhe, Becko”, shkruan klubi.