Frika që po i imponohet maqedonasve se me ndryshimin e kushtetutës do të humbet identiteti ose do të humbet shteti bëhet për qëllime të politikave ditore nga partitë opozitare, për ty shtyrë vendin drejt zgjedhjeve të parakohshme, por zgjedhjet e parakohshme nuk bëjnë zgjidhje të problemit. Kështu deklaroi kryetari i BDI-së Ali Ahmeti në një intervistë për RTK. Sipas tij opozita nuk afron asnjë zgjidhje edhe po të shkohet në zgjedhje.
“Cila është oferta për shembull e partive opozitare? Çfarë do të bëjnë pas zgjedhjeve? Qe po organizojmë zgjedhjet, po e zëmë në shtator në tetor mund të shkojmë në zgjedhje të parakohshme. Kush janë garancat e tyre? Çfarë oferte kanë për qytetarët? A e dinë domosdoshmërinë që pa ndryshimin e kushtetutës ne nuk mund të mbahet mbledhja e dytë ndërqeveritare mes Qeverisë së RMV-së dhe BE-së, çështjet janë të kushtëzuara, kush është oferta e tyre, qe po shkojmë në zgjedhje. Çfarë do të bëjnë pas zgjedhjeve”, tha Ali Ahmeti – kryetar i BDI-së.
Ahmeti foli edhe për opozitën shqiptare për të cilën tha se, aq të vegjël janë, sa që as në ëndërr nuk mund të fitojnë!
“Opozita përditë duhet të kërkojë zgjedhje, opozita përditë duhet të thotë se do i fitojë zgjedhjet, por kjo mbetet një ëndërr për ta parë. Koha do e provojë se është vetëm një ëndërr dhe aq të vogël e minor janë saqë nuk u bëjnë derma as ëndrrat, nuk u bëjnë. Për ta shpie në opozitë BDI-në, një fushatë të tërë LSDM në krye me Zoran Zaevin ka bërë para 3 vjetësh. Bile Bile mësuan edhe parullat shqip “BDI në opozitë”, bërtiste në mitingje Zoran Zaevi, lëre që nuk i humbi zgjedhjet BDI, por 50% më tepër mandate fitoi sesa mandatin që e mbylli”, deklaroi Ali Ahmeti – kryetar i BDI-së.
Ahmeti tha se pa anëtarësim në BE, njerëzit do të largohen nga Maqedonia e Veriut. Sipas tij patriotizmi më i madh është të ndalen njerëzit dhe mos e braktisin vendin.