“Barcelona ka luajtur ndeshje të mirë”, Xavi flet pas humbjes nga Bayern

TË FUNDIT

Trajneri i Barcelonës, Xavi, për humbjen nga Bayern (0:2) mbrëmë në ndeshjen nga xhiroja e 2-të nga faza e grupeve të Ligës së Kampionëve, tha se është një hap prapa në rrugën drejt 1/8 të finales.

“Kemi krijuar gjashtë ose shtatë raste të shkëlqyeshme për gol, por nuk i shfrytëzuam, ndërsa Bayern nuk e humbi shansin e vet. Kemi luajtur në mënyrë konkurruese, kemi luajtur shumë mirë dhe nëse do të kishim shënuar, loja do të ishte krejtësisht ndryshe. Megjithatë, kjo është Liga e Kampionëve, ne duhet të përpiqemi të shmangim gabime të tilla në kënde. Humbja është një hap prapa, por ne jemi ende në një pozicion të mirë në tabelë. Kemi ardhur këtu me qëllimin për të fituar. Ne duhet të mësojmë nga gabimet tona. Mendoj se në përgjithësi kemi pasur një lojë të mirë. Mjaft e mirë për një fitore, jo për një barazim”, deklaroi Xavi.

Bayern është në krye të grupit C me 6 pikë, ndërsa Barcelona është e dyta me 3 pikë, aq sa ka edhe Interi në vendin e tretë. E fundit është Viktoria Plzenj pa pikë të fituar. 

error: Content is protected !!