Barcelona e ka bërë hor Getafën duke e mundur me rezultat të thellë 6-0. Që prej minutës së parë skuadra vendase e pati kontrollin e lojës dhe pa asnjë problem e mposhti bindshëm skuadrën e Getafës.
Në minutën e 9, Messi e shënoi golin e parë nga penalltia, kurse goli i dytë erdhi në minutën e 25 nëpërmjet Suarez.
Në pesë minutat e ardhshëm Neymar dhe Xavi shënuan për 4-0, kurse rezultatin e pjesës së parë 5-0 e vulosi Luis Suarez në minutën e 40.
Barcelona e nisi mirë pjesën e dytë dhe vetëm pas dy minutave Messi shënoi edhe një herë për rezultatin 6-0.
Pas kësaj ndeshje Barcelona vazhdon të jetë kryesuese me 84 pikë, kurse skuadra e Getafës është e 13, me 36 pikë të grumbulluara.