Banorët e Llokës me javë janë të bllokuar! Rrënimi i një objekti ka mbyllur rrugën e fshatit

TË FUNDIT

Rrënimi i këtij objekti i ka bllokuar me javë banorët e fshatit Llokë të Sarajit.

Policia nuk po lejon që qytetarët e këtij vendi të kalojnë nëpër këtë rrugë e cila e lidh fshatin me qytetin.  Banorët duhet të bëjnë kilometra shtesë përmes Sarajit për të shkuar në qytet, sepse zgjidhje tjetër nuk kanë.  

Kryetari i Bashkësisë lokale të këtij fshati thotë se fshatarët nuk po munden t’i kryejnë punët e tyre.

 “Rruga me sot duhet të jetë dita e 10 që është e bllokuar, për çdo ditë po bllokohet  për arsye të rrënimit të atij objektit që shihet prapa nesh. Pse rrënohet nuk e dimë, por përndryshe ne banorët e Llokës jemi të bllokuar me lëvizjen. Aktivitetet tona nuk mund t’i mbarojmë punët. Duhet të qarkullojmë nga Saraji”, tha Ismet Bajrami – Kryetar i Bashkësisë Lokale.

Objekti i bie në territorin e Komunës së Karposhit, e nga kjo komunë thonë se punimet do të zgjasin dy deri në tre ditë.

 “Rrënimi i ndërtimit ndërtimit pa leje do të zgjas edhe 2 deri në 3 ditë, dhe se situata në teren do të kthehet në gjendje të mëparshme. Për shkak të sigurisë së qytetarëve rruga është e bllokuar”, thonë nga Komuna e Karposhti.

Aty është edhe ura që lidh Llokën me Gjorçen, por banorët nuk po mund ta përdorin, për shkak se është e vjetër dhe përbën rrezik.

Disa banorë detyrohen t’i lënë veturat në anën tjetër të lumit Vardar, për ta pasur më lehtë qarkullimin.

Kjo urë shumë herë është premtuar, por asnjëherë nuk ka pasur zgjidhje konkrete.

Kryetari i Sarajit Blerim Bexheti thotë se është i gatshëm për bashkëpunim për realizimin e këtij projekti.

 “Unë kam komunikuar edhe me deputetin e subjektit tjetër që e ka ngritur në Parlament z. Kastriot Rexhepi. Këto ditë do të takohemi për këtë çështje dhe jam i gatshëm që me çdo këndë të bashkëpunoj për realizimin e këtij projekti që është shumë i rëndësishëm”, deklaroi Blerim Bexheti – Kryetar i Komunës së Sarajit.

Nga komuna e Karposhit i thanë TV21 se pas rrënimit të objektit i cili nuk do të jetë më funksional rruga do të jetë e hapur për banorët e Llokës.

TË NGJAJSHME