E gjithë kjo përformancë, u realizua brenda një baloni gjigant i cili ishte i vendosur afër në sheshin tek Komuna e Prishtinës. Brenda balonit apo “Aeropolisit” i cili ishte krijuar nga Marco Cannevacci nga Plastique Fantastique nga Gjermania, publiku ishte i ftuar që të hyj brenda balonit, në mënyrë që të përjetoj gjithë atmosferën që u krijua nga ky instalacion që pik referente pati migrimin
Edhe pse ishte kohë me shi nuk ishte pengesë për instalacionin shumë interesant dhe interaktiv “Tungjatjeta dhe Mirupafshim”, i cili u mbajt në kuadër të Festivalit HAPU në hapësirën publike para ndërtesë së Komunës së Prishtinës.
Ky instalacion përmbante lëvizjet e njerëzve, migrimin e tyre. Njerëzit vijnë dhe shkojnë, migrimi është fenomen botëror me motive të ndryshme. Njerëzit lëvizin nga një vend në tjetrin, nga fshati në qytet. Këto lëvizje shpesh kanë efekt në statusin shoqëror të njerëzve, duke rezultuar gjithashtu me lëvizje brenda klasave shoqërore dhe konteksteve përpos lëvizjeve gjeografike.