Kandidati demokrat presidencial në zgjedhjet në SHBA, Xho Bajden dje paralajmëroi se nuk do të lejojë presidenti Donald Tramp të shpallë fitore në zgjedhjet e së martës para se të dihen qartë rezultatet.
“Përgjigjja ima është se presidenti nuk do t’i vjedhë këto zgjedhje”, deklaroi Bajdeni para gazetarëve gjatë ngjarjes parazgjedhore në Filadelfia.
Ai gjithashtu i dënoi përpjekjet e ithtarëve të Trampit që t’i frikësojnë ithtarët e Bajdenit, siç ishte incidenti në Teksas dhe Nju-Xhersi të premten dhe të dielën.
Në media u paraqitën spekulime se Trampi u ka thënë bashkëpunëtorëve të tij se ka për qëllim të shpallë më herët fitore, madje edhe nëse rezultati nuk dihet.
Demokratët paralajmëronin para disa muajve se shefi i shtetit nuk do ta lëshojë lehtë Shtëpinë e Bardhë.
Sipas anketës së “Foks njuz” kandidati i demokratëve ka 8 pikë përparësi para Trampit. fc/