Presidenti amerikan Xho Baden e shfuqizoi dekretin e paraardhësit të tij Donald Tramp, me të cilin është shpallur gjendje e jashtëzakonshme në kufirin me Meksikën, për të siguruar fonde për ndërtimin e një muri.
Në një letër drejtuar kryetares së Dhomës përfaqësuese, Nensi Pelosi, Bajden e informoi Kongresin se vendimi i Trampit ishte “i padrejtë” dhe se paratë e taksapaguesve nuk do të shpenzoheshin më për ndërtimin e një muri në kufirin meksikan.
Letra drejtuar Kongresit është vetëm një formalitet, pasi Bajden tashmë e ka ndërprerë ndërtimin e murit në kufirin me Meksikën.
Në vitin 2019, Tramp e anashkaloi Kongresin, i cili nuk e miratoi ndërtimin e murit dhe shpalli gjendje të jashtëzakonshme në kufirin jugor, duke tërhequr kështu para nga Buxheti për mbrojtje.
Në janar të vitit 2017, kur Tramp erdhi në pushtet, kishte tashmë 1000 lloje të rrethojës prej 1000 kilometrave në kufirin me Meksikën. Gjatë mandatit të tij, u ngrit një mur prej më shumë se 720 kilometrave në kufirin e gjatë 3.145 kilometra. Rreth 25 miliardë dollarë janë shpenzuar për të ndërtuar murin gjatë mandatit të Trampit.