Bajden: Afganët tani duhet të luftojnë për veten

Presidenti amerikan Xho Bajden pas tërheqjes së trupave amerikane nga Afganistani theksoi se afganët tani duhet të luftojnë vetë me talebanët.

“Por, ata me doemos duhet të luftojnë”, theksoi Bajden.

Komenti i tij erdhi pasi talebanët dje pushtuan kryeqytetin e tetë krahinor. Nga fillimi i majit, kur filloi tërheqja e forcave ndërkombëtare, talebanët kanë marrë më shumë territore

Bajden apeloi tek politikanët afganë të veprojnë së bashku kundër talebanëve.

Ai premtoi se SHBA-ja do të vazhdojë të sigurojë mbështetje financiare dhe ushtarake për forcat afgane të sigurisë dhe se çdo ditë do të informohet për situatën.

Qeveria amerikane ka ndarë 3.3 miliardë dollarë në projekt-buxhetin për mbështetjen e forcave afgane të sigurisë vitin e ardhshëm, deklaroi mbrëmë zëdhënësja e Shtëpisë së Bardhë, Xhen Psaki./MIA