Athina reagon për deklaratën e Mickoskit! “Çështja maqedonase është zgjidhur, ky është provokim”

Athina zyrtare zemërohet me kryeministrin Hristijan Mickoski. Prej atje mendojnë se deklarata e tij është provokim. Kjo vjen pasi Mickoski, në fjalim para diasporës në SHBA-të, tha se çështja maqedonase nuk është zgjidhur.

“Do të duhet të fitojmë edhe këtu në Uashington, Nju Jork, Bruksel, Berlin, Londër, Paris, Romë dhe në metropole tjera nëse duam që çështja maqedonase më në fund të ketë epilog, për shkak se nuk është zgjidhur, ndër shekujt ende ekziston”., tha Hristijan Mickoski.

Sipas MPJ-së greke, çështja maqedonase është zgjidhur në tërësi ndërsa Mickoski këtë çështje është përpjekur që ta kthejë në plan të parë.

“Greqia rikujton se progresi i mëtutjeshëm i marrëdhënieve dypalëshe me Maqedoninë e Veriut dhe vazhdimi i papenguar i rrugës eurpoiane i vendit fqinj kërkojnë respektim të plotë të Marrëveshjes së Prespës dhe përmbajtje nga deklarata me irredentizëm dhe pretendim ndaj vendeve fqinje”, thotë Grafikë MPJ e Greqisë .

Pas reagimit të ashpër nga Greqia, autoritetet vendase u përmbajtën nga komentime shtesë.

“Nuk do të kisha se çfarë të shtoja asaj që e tha kryeministri”, tha Marija Miteva.

Thirrjet e para nga Athina për respektimin e marrëveshjes së Prespës filluan pasi përfaqësues zyrtarë të pushtetit të ri nuk e shfrytëzuan emrin kushtetues. Edhe BE në raportet për Maqedoninë vazhdimisht paralajmëron se duhet të respektohen marrëveshjet e arrituar me Greqinë dhe Bullgarinë. Në deklaratat fundit në publik, shefi i diplomacisë Timço Mucunski theksoi se Maqedonia në tërësi e respekton Marrëveshjen e Prespës.