Menaxheri i kampionit të ri të Premier League, ekipi i Arsenalit, Mikel Arteta, tashmë ka një plan për përforcimin e disa pozicioneve.
Arsenali pas 22 vitesh e fitoi titullin kampion të Anglisë, por kjo skuadër, edhe pse mbeti e pamposhtur, mbeti pa trofeun e kampionit të Evropës pasi të shtunën humbi finalen ndaj Paris Saint-Germain pas ekzekutimit të penalltive.
Arteta planifikon përforcime në katër pozicione: krah i majtë, sulmues, mbrojtës i djathtë dhe mesfushor.
Si objektiva të mundshëm përmenden dy lojtarë të Newcastle United: Sandro Tonali (mesfushë) dhe Tino Livramento (mbrojtës i djathtë).
Për pozicionin e krahut të majtë në kombinim është Morgan Rogers nga Aston Villa, ndërsa për sulmuesin përmenden Julián Álvarez (Atlético Madrid) ose Marcus Rashford (sezonin e përfundoi te FC Barcelona).
Skuadra e Londrës me shumë gjasë do të largohet nga Gabriel Jesus, Gabriel Martinelli dhe Ben White, ndërsa Piero Hincapié mund të transferohet te FC Barcelona.