Një pistoletë është gjetur në një automjet në Shkup, pas së cilës një person është arrestuar, njoftoi sot Ministria e Punëve të Brendshme.
“Mbrëmë në orën 21:00, në territorin e Kisella Vodës, punonjës policie nga Njësia e Policisë Interventuese pranë Sektorit për Punë të Brendshme – Shkup arrestuan shkupjanin A.G., 37 vjeç. Punonjësit e policisë ndaluan një automjet “Shkoda” me targa të Shkupit, i drejtuar nga A.G., në bulevardin “Boris Trajkovski”, dhe gjatë kontrollit u gjet një pistoletë me dy karikatorë dhe 41 fishekë”, sqaruan nga MPB.
Pas dokumentimit të rastit, siç shtuan ata, kundër A.G. do të ngrihet kallëzim përkatës.